BLOGME TENDAL LXXI: Tendal enmarcado

BLOGME TENDAL LXXI: Tendal enmarcado

blogme 71

O das toallas ten un puntiño… Por un lado enmarcan e resaltan a prenda: Que camisola! Que pantalón! E polo outro, neste barrio popular de cidade de interior, esta imaxe é a porta que dá á praia. A camisola e o pantalón non están a secar, están a tomar o sol na praia portátil que pintan as toallas. O ruído que se oe son as ondas do mar batendo en terra. A posición reciprocamente invertida facilita o contacto dixital de facerse cóxegas cos dedos, dos pés, das mans. A praia sempre foi un bo sitio para xogar.

Non ten nada raro, pero ten algo especial. Alén de que esta casa non ten un tendal como deus manda (arquitectos, a que andamos? É mandato constitucional ter secadora, ou?) está o detalle delicado da toalla para evitar que a roupa recén lavada roce co marco do ventanal, o que estragaria a limpeza xusto anterior, e logo lavar para que! Aínda que están no medio dúnha rúa moi transitada de coches e autobuses, o que xa relativiza o da limpeza, por toda a carbonilla que levantan.

 

No Comments

Post A Comment

This site is registered on wpml.org as a development site. Switch to a production site key to remove this banner.

Warning: realpath(): open_basedir restriction in effect. File(/) is not within the allowed path(s): (/usr/home/devavelinogonzalez:/home/devavelinogonzalez:/tmp) in /usr/home/devavelinogonzalez/www/wp-includes/l10n/class-wp-translation-controller.php on line 106