BLOGME TENDAL CCCLX: Só pantalóns

BLOGME TENDAL CCCLX: Só pantalóns

Velaí están, pendurados cabeza abaixo, inermes, executados, os pantalóns. Só por se comprometer ca vida e co traballo de quen os vestiu e quen os lavou -estes pantalóns son de home, así que, posiblemente non os lavou a mesma persoa que os vestiu-

Traballar é comprometerse e o compromiso mancha sempre. Das loitas de fondo podes saír vivo pero nunca limpo. Desconfío dos loitadores de salón que saen tan lambidos como entraron da loita na que din que tomaron parte. Minten: Non loitaron; pero din verdade: Tomaron parte… polos poderosos.

Estes pantalóns, de tres homes distintos da mesma familia loitaron sempre e perderon sempre.

De derrota en derrota, constrúen anacos de vida e morren sempre en acto de servizo comprometidos co traballo co que melloran o mañán inmediato pra todas as persoas do verbo. Despois de mañán vén outro mañán ó que han chegar suxos quen máis traballaron porque cada mañán fose mellor que hoxe.

No Comments

Post A Comment

This site is registered on wpml.org as a development site. Switch to a production site key to remove this banner.

Warning: realpath(): open_basedir restriction in effect. File(/) is not within the allowed path(s): (/usr/home/devavelinogonzalez:/home/devavelinogonzalez:/tmp) in /usr/home/devavelinogonzalez/www/wp-includes/l10n/class-wp-translation-controller.php on line 106